ភ្នំពេញ៖ នាយករដ្ឋមន្ត្រី សម្ដេចតេជោ ហ៊ុន សែន បានជំរុញដល់គ្រប់វត្តអារ៉ាមទាំងអស់ធ្វើយ៉ាងណាឱ្យមានវង់ភ្លេងបុណ្យ២គឺ វង់ភ្លេងពិណពាទ្យ និងវង់ភ្លេងឆៃយ៉ាំ ដោយថានឹងជួយឱ្យមានធនធានមនុស្សច្រើនលើវង់ភ្លេងបុរាណទាំងពីរនេះនៅកម្ពុជា។
ថ្លែងក្នុងទិវាវប្បធម៌ជាតិឆ្នាំ២០២៣ នៅមជ្ឈមណ្ឌលកោះពេជ្យ ល្ងាចថ្ងៃទី២ ខែមីនានេះ សម្ដេចតេជោ ហ៊ុន សែន បានអំពាវនាវដល់ចៅអធិការ និងគណៈកម្មការវត្តឱ្យទាក់ទាញការចូលរួមពីពុទ្ធបរិស័ទធ្វើយ៉ាងណាឱ្យមានវង់ភ្លេងទាំងពីរនេះនៅតាមទីវត្តអារ៉ាម។
សម្ដេចថាការធ្វើបែបនេះក៏នឹងជួយការងារដល់អ្នកវប្បធម៌របស់កម្ពុជាផងដែរ ខណៈសម្ដេចសង្កេតឃើញថាមានការចាក់ភ្លេងទាំងនេះច្រើនក្នុងពិធីបុណ្យផ្សេងៗជំនួសឱ្យការលេងផ្ទាល់៕